Ажайиб наха

Цин деринра яшамиш жезвай вагьши нахайрин (акула) жуьреяр са шумуд ава. Абурукай иллаки наха-гоблин тIвар алайди ажайибди, фикир желбдайди я. Адан винел патан акунри инсандик кичI кутун мумкин я. И нахайрин яргъивал 3,6 метрдив, заланвални 210 килограммдив агакьзава. Адет яз, абуру океандин дегьнейра сирнавда. Алай вахтунда абур вири океанра гьалтзава. 

Итижлу делил ам я хьи, чпин гъуьрч мягькемдаказ кьун патал и балугъривай рекьвер къецихъ акъудиз жезва. Урус чIала и вагьшидал «акула-домовой», «скапаноринх» тIварарни ала. Нахайрин ем цин дегьнейра гьалтзавай кальмаррикай, къирхаягърикай ва маса балугърикай ибарат я. Бязи чешмейрин делилралди, и жуьредин наха сифте яз 1898-йисуз илимдин рекьелди ахтармишна. 1897-йисуз Япониядин къерехра сифте яз наха-гоблин дуьздал акъудна. Чан алай и нахаяр асул гьисабдай жегьре рангунинбур жеда, амма гиликьнавайбурун ранг туракьдаз элкъвезва.

Пешекаррин фикирдалди, наха-гоблин инсан патал еке хаталувал арадал гъизвай гьайван туш, гьикI хьи, абур яшамиш жезвай цин лап дегьнейриз (200 метр) эвичIун инсан патал четин кар я.

«Лезги газет»