И мукьвара Каспийскда, Али Алиеван тIварунихъ галай спортдин Дворецда, дзюдодай жаванрин арада Дагъустандин кIвенкIвечивал къазанмишун патал акъажунар кьиле фена. Ана республикадин саки вири районрай ва шегьеррай тир гадайрини рушари чпин алакьунар къалурна.
Абурун арада Сулейман-Стальский райондин дзюдоистарни авай. РФ-дин лайихлу тренер Тельман Къурбанован регьбервилик кваз и акъажунра иштиракай Азиз Даниялова, Вели Саругъланова, Назир Ярагьмедова кIвенкIвечи чкаяр кьуна. Гила абуру мартдин эвел кьилера Нальчикда СКФО-дин кIвенкIвечивал къазанмишун патал кьиле фидай акъажунриз гьазурвал аквазва.
«Лезги газет»
