Милли “Цифровая экономика” проектдин сергьятра аваз Докъузпара райондин Къурушрин хуьр интернетдалди таъминарнава. Идакай республикадин рекъемрин рекьяй вилик финин министр Сергей Снегирева хабар гана.
Адан гафаралди, дагъдин хуьруьз интернет тухунин кIвалахар гьеле 2019-йисуз гатIуннай. Къенин юкъуз Европада виридалайни кьакьанда авай хуьр тамамдиз интернетдалди таъмин я.
“И кардихъ еке метлеб ава. Вични гзаф кьадар аялри, тIугъвал себеб яз, интернетдин куьмекдалди чирвилер къачузвай макъамда. Гьа са вахтунда лагьана кIанда, Къурушдал сотовый алакъади хъсандиз кIвалахзавач. Мукьвара и месэлани чна гьялда”, — лагьана С.Снегирева.
«Лезги газет»
