Гзаф вахтара яшар хьанвай инсанрин дамарра ивидин гьерекат йигин хьун, дуьзгуьн ахвар тахьунихъ галаз алакъалу я. Хъсан ахвар тийизвай инсанрин 83 процент ахвар ийизвай инсанрилай и азардикди гзаф начагъ жезва.
— Эгер инсан 19 декьикьада шехьайтIа, йисан къене бедендал акьалтнавай заланвал алатда.
— Эгер йикъа цIуд агъзур кам къачуртIа, инсан яргъалди жегьил яз амукьда.
— РикIин азарар авай вирибуруз кьурурнавай шивитрин тумуникай менфят къачун меслятзава. ЧукIулдин кIвенкIвел алай регъвенвай шивитрин тум мецин кIаник кутада. Ада неинки рикIин тIал секинарда, гьакIни бедендавай кичIевал, заланвал ва са гьалда маса жуьрейрин тIаларни алудда.
— Свах тIазвайла, памбаг миновазиндай кьежирна, сухан винелай хъуьхъвев гуьцIайтIа, тIал фад секин жеда.
— КIвачин тупIарин араяр гатIанвайла, аниз картуфрин крахмал кIвахьун меслят къалурзава.
— Хам алуднавай помидорар, куьлуь авуна, иринламиш хьанвай хирерал, буьвелрал, цIарнах квай чкайрал эцигайтIа, са вахт арадай фейила, а тIалар-квалар куь рикIелай алатда.
— Туьд дакIунвайла (опухоль), са истиканда авай куьлуь авунвай лаврдин пешерал 1 л эрекь илична, кьве гьафтеда чими чкада вахт-вахтунда юзуриз хуьда. Ахпа ам куьзна, йикъа пуд сеферда, фу нез зур сят амайла, хуьрекдин са тIуруна авайди хъвада.
— Хер хьанвай ва я канвай чка фад хъсан хъхьун патал анал лап куьлуьз куьткуьннавай чичIекдин къаришма эцигда.
— Яхун инсанар куьк хьун патал, чими пиводиз (сад хьтин паяр) нек яна, 1-2 истикан йикъа кьве сеферда хъвада.
— Эгер йикъа 2-3 силих серг ишлемишайтIа, атеросклероз ва инфаркт азарар акатунин хаталувал агъуз аватда.
— Бедендихъ галаз кьун тавур са шей тIуьна, зегьерламиш хьана, хуквада тIал гьатайла, 0,5 истикан кефирдиз чайдин са тIуруна авай сода вегьена хъвайила, хуквадин тIал гьасятда секин жеда.
— Гатун вахтунда 10 кг гьар гьи жуьредин хьайитIани емишар тIуьртIа, куьн хъуьтIуьз азарлу жедач.
“Айболит” газетдай.
Гьазурайди — Надият Велиева
