И мукьвара Ахцегьрин 1-нумрадин юкьван школадин спортзалда райондин тешкилатрин ва идарайрин арада волейболдай акъажунар кьиле фена. Спортдин серенжем райондин администрациядин спортдин, жегьилрин крарин ва туризмдин рекьяй управленидин куьмекни галаз тешкилнавайди Дагъустандин муфтиятдин просвещенидин Ахцегь районда авай отдел тир.
Акъажунрин багьа мугьманрин арада РД-дин Муфтиятдин Кьиблепатан Дагъустанда тамам ихтиярар ганвай векил Хусейн Гьажиев, Ахцегь райондин кьилин заместитель Вадим Агъасиев ва масабур авай.
Санлай къачурла, турнирда 10 командади иштиракна. Итижлу къугъунрин нетижада А.Гъаниеван тIварунихъ галай ДЮСШ-ди -1, Ахцегьрин 2-нумрадин юкьван школади — 2 ва Жегьилрин парламентди 3-чкаяр кьуна.
КIвенкIвечи чкаяр къазанмишай командайриз грамотаяр ва къиметлу пишкешар, акъажунрин гьар са иштиракчидизни Абдурагьман Гьажи Ахцегьвидин “Диндин дибар” (“Основы религии”) ктаб пишкеш яз гана.
«Лезги газет»
