Алукьнавай йисан 1-январдилай Дагъустан Республикадин мулкунал ишлемишнавай газдин кьадар гьисабзавай ва кIвалин къеце пата эцигнавай приборри къалурзавай делилрай газдин гьакъи гьисабдайла бинеламиш жезвай чимивилин коэффициентдин цIийи кьадар тестикьарнава, хабар гузва “Газпром межрегионгаз Махачкъала” ООО-ди.
2021-йисан сифтегьан 6 вацран вахтунда Дагъустан Республика патал чимивилин коэффициентдин цIийи кьадарар РФ-дин федеральный технический рекьяй гуьнгуьна тунин ва метрологиядин агентстводи тайинарнава.
Чимивилин коэффициентар кардик кутун газдин кьадар стандартдин шартIарив агакьарун патал лазим я, гьикI лагьайтIа, чимивилин ва чуькьуьнин эсердикди газдин кьадар дегиш жезва.
КIвалин къеце пата эцигнавай ва чимивал кваз кьадай алат алачир приборри къалурзавай делилрай газдин гьакъи гьисабдайла счетчикри тайин тир вахтунда гьисабнавай газдин кьадар, и вахт патал тайинарнавай коэффициентдин кьадар ва кьилди къачур жуьредин (категория) муьштерияр патал тайинарнавай къимет зарбзава.
“Газар. Кьадар тайинарун патал шартIар” ГОСТ 2939-63 стандартдин бинедаллаз, муьштеридихъ галаз гьахъ-гьисабар ийидайла, ишлемишнавай газдин кьадар агъадихъ галай (стандартдин) шартIарив агакьарун лазим я: гьавадин чимивал — 20 градус, чуькьуьнин эсер — 760 мм рт. ст., ламувал — 0.
«Лезги газет»
