Вири инсаниятдин вилик залан имтигьан эцигай 2020-йиса гила тарихда вичин чка кьунва. ТIугъвалди, ам себеб яз малумарай карантинди, чи гьар садан уьмуьрда дерин гел, хейлин крар мад ва мад сеферра вередирд хъийизни туна. Коронавирус себеб яз, республикадин, уьлкведин, гьатта дуьньядин спортдин майданрани дегишвилер арадал атана — са жерге чемпионатар, кIвенкIвечивал патал акъажунар кьиле тухуз хьанач. Спортдин рекье виридалайни важиблубур, кьилинбур, чеб 2020-йисуз Токиода кьиле тухун лазим тир Олимпиададин къугъунарни кьулухъди чIугуниз мажбур хьана (абур цIи кьиле тухудайвал я).
Гьар гьикI ятIани, кьиле фейи спортдин мярекатра чи халкьдин кьегьал рухвайри чпин гьунарар къалурна. Абурукай чна хабарарни ганай. Эхиримжи са шумуд йисуз адет хьанвайвал, абуру къазанмишай нетижайрикай даях кьуналди, «Лезги газетди» чи халкьдин векилрикай 2020-йисан виридалайни хъсан 10 спортсмен хкянава. Абурухъ ва спортдин рекье камар къачузвай чи амай ватандашрихъни алукьнавай йисуз чандин сагъвал, рикIин шадвал ва рикIе авай къастарни мурадар кьилиз акъуддай къуватарни мумкинвилер хьурай.
Ингье нубатдин сеферда чна хкянавай виридалайни хъсан “10” спортсмен:
Рагнеда Рамалданова
