“Лезги газетдиз” Дагъустандин здравоохраненидин министерстводин пресс-къуллугъди хабар гайивал, ЦIийи йисан суварихъ галаз алакъалу ял ядай йикъара республикадин духтурханайри кьетIен гьалара кIвалахда. И месэладиз талукь приказдал министрдин везифаяр вахтуналди тамамарзавай Татьяна Беляевади къул чIугуна.
“Дагъустанда коронавирусдихъ галаз алакъалу гьалар къизгъинбур яз амукьзава. Гьавиляй январдин эвел кьиляй ял ядай йикъара региондин медицинадин вири идарайри гьамиша хьиз кIвалахда. Стационарра духтуррин бригадайрин кьадар гзафарда, КТ, ПЦР ахтармишунар йикъан гьи вахтунда хьайитIани ийида”, — лагьана Т.Беляевади Урусатдин здравоохраненидин селекторный совещанидал.
«Лезги газет»
