“Газпром межрегионгаз Махачкъала» компанияди  яшайишдин кIвалерин хсусиятчийриз ишлемишнавай газдин кьадар алцумдай интеллектуальный, яни “акьуллу” счетчикар эцигун теклифзава. Ида иш­ле­мишнавай газдиз талукь делилар агакьарунин гьерекат къулайди ийидай ва аварийрин дуьшуьшрин  вилик­ пад кьадай мумкинвал гуда.

“Акьуллу” приборрихъ са жерге артуханвилер ава:

—  счетчикди виниз тир дуьзвилелди ишлемишнавай газдин кьадар алцумзава ва кIватIнавай делилар, муьштеридин иштираквал авачиз, вахт-вахтунда агакьарзава;

—  абонентди  делилар агакьардай вахт рикIел хьун лазим жезвач — счетчикди абур лазим вахтунда ва гъалатIар квачиз рекье твазва;

—  вахт-вахтунда делилар агакьаруни дуьзбур тушир гьакъияр илитIунин ва, нетижа яз, “нормативдай”  пул гунин хьтин дуьшуьшрикай хуьзва;

— техникади дуьз кIвалах тийидай вахтара, счет­чикри  лазим малумат идарадив агакьарзава;

—   “акьуллу” счетчикри батарейкайрал алаз  кIва­лахзава, абур сетдик кутун лазим туш;

—  приборди гьисабнавай делилрин архив кIватI­зава.

Идалайни гъейри, ихьтин прибор муьштерийрин хатасузвилин заминни хьун мумкин я: датчикди акъат­завай газдин кьадар гзаф хьунал гуьзчивалзава ва  лазим дуьшуьшра ам акъвазарзава, идалди мумкин тир бедбахтвилерин вилик пад кьазва.

“Акьуллу” счетчик маса къачудайла, приборди кардик квай нормативринни технический документацияда авай истемишунриз жаваб гузватIа  фикир гана кIанда.

«Лезги газет»