И мукьвара Санкт-Петербургда грэпплингдай (AGML версиядай) дуьньядин чемпионат кьиле фена. Ана Россиядин са жерге регионрай, гьакIни къецепатан са шумуд уьлкведай: Финляндиядай, Къазахстандай ва Къиргъизиядай тир хкянавай 84 командадик кваз 700-далай виниз спортсменри чпин устадвал ва алакьунар къалурна.

Абурун арада аваз Дербентда ­яшамиш жезвай чи ватандаш Ислам  ­Гьуьсейновани  иштиракна ва 84 кг-дал ­къведалди заланвал авайбурун арада Nj Gi ­жуьредай дуьньядин чемпионвилин тIвар къазанмишна. Идахъ галаз сад хьиз, адаз спортдин международный классдин мастервилин тIварни гана. Чна и агалкьунар адаз рикIин сидкьидай тебрикзава, мадни еке кукIушар муьтIуьгъардай къуватар хьун алхишзава.

«Лезги газет»