26-октябрдиз Чечнядин Шали шегьерда грэпплингдай “Вад гъед” турнир кьиле фена. Акъажунрин кесерлувал мадни а карди хкажзавай хьи, ина гъалибвал къазанмишайбуруз алай йисан декабрдиз Сербияда кьиле фидай дуьньядин чемпионатда иштиракдай мумкинвал гузва.
Шадвилелди мадни а кардикай хабар гуз кIанзава хьи, Дагъустандин хкянавай командадик кваз и турнирда иштиракай ва гъалибвал къазанмишайбурун арада чи ватандаш Артур Агъашириновни (62 кг) ава. ИкI, ада NO GI разделдай (кимоно алачиз) 1-чка кьуна, дуьньядин чемпионатда иштиракун патал путёвка къазанмишна.
«Лезги газет»
