Январдин эхирра Красноярскда азаддиз кьуршахар кьунай Иван Ярыгинан Гран-при — международный турнир кьиле фена.

Дагъустандин хкянавай командади и акъажунра 1-чка кьуна — ирид къизилдин ва кьуд гимишдин медалар къазанмишна. Акъажунра виридалайни викIегьбур Заур Угуев (57 кг.), Гьажимурад Рашидов (61 кг.), Ильяс Бекбулатов (65 кг.), Мегьамед Къурбаналиев (70 кг.), Агьмед Гьажимегьамедов (79 кг.), Абдулрашид Садулаев (92 кг.), Мурадин Кушхов (125 кг.) хьана. Ярыгинан Гран-придин гъалибчияр Каспийскда кьиле фидай Европадин чемпионатдин иштиракчияр жеда.

Гимишдин медалриз Исмаил Мусукаев (61 кг.), Агьмед Чакаев (65 кг.), Мегьамедрасул Гъазимегьамедов (70 кг.), Расул мегьамедов (97 кг.) лайихлу хьана.

Къейд авун лазим я хьи, Узбекистандин хкянавай командадик квай дагъустанви Мегьамед Ибрагьимова (97 кг.) гимишдин медаль къазанмишна.

«Лезги Газет»