“Лезги газетдиз” Дагъустанда авай Пенсийрин фондунин отделенидин пресс-къуллугъди хабар гайивал, алай йисан 1-февралдилай ЕДВ (ежемесячная денежная выплата) 2,5 процентдин артухарзава.

Алай вахтунда Россиядин Пенсийрин фондуни ам 15,4 миллиондив агакьна федеральный дережадин кьезилвилер авайбуруз гузва,  гьа жергедай яз — инвалидриз, дяведин гьерекатрин ветеранриз, радиациядин таъсирдик акатнавайбуруз, Советрин Союздин ва Россиядин Игитриз, Социализмдин Зегьметдин Игитриз ва масабуруз.

ЕДВ-дик акатзавай яшайишдин рекьяй ийизвай къуллугърин набордин къиметни (НСУ-набор социальных услуг) 2,5 процентдин артух хьанва. Гьа икI, алай йисан 1-февралдилай НСУ-дин къиметди 1 агъзурни 75 манат тешкилда. Гьа жергедай яз: лазим дарманралди таъминарун — 828 манат, санаторийрин, курортрин шартIара сагъарун патал путевкаяр чара авун — 128 манат, шегьердин мукьув гвай ракьун рекьерин улакьра аваз сагъардай чкадиз фин-хтун — 118 манат.

Гьазурайди — Агьмед Магьмудов