2-октябрдиз 79 йисан яшда аваз яргъал чIугур азардилай гуьгъуьниз Дагъустан Республикадин государстводин ва политикадин тIвар-ван авай деятель Шагьидин Рамазанович Рамазанов кечмиш хьана.
Ш.Р.Рамазанов 1941-йисан 1-декабрдиз ДАССР-дин Рутул райондин Лакунрин хуьре дидедиз хьана. Дагъустандин Ленинан тIварунихъ галай госуниверситет куьтягьай 1963-йисалай Рутул райондин Жилихуьруьн мектебдин учебный частунин заведующийвиле кIвалахунилай вичин зегьметдин рехъ башламишна. 1968-1979-йисара райондин ва республикадин газетрин редакторвиле кIвалахна.
Ростовдин Высший партийный школа куьтягьай 1979-йисалай Шагьидин Рамазановича вичин уьмуьр партийный кIвалахдиз бахшна. 1985-йисуз ам КПСС-дин Рутул райкомдин сад лагьай секретарвиле тайинарна. 1990-йисуз ДАССР-дин халкьдин депутатвиле хкяна, Милли политикадин, милли алакъайрин ва общественный организацийрин месэлайрай ДАССР-дин Верховный Советдин Гьамишалугъ комиссиядин кьиле акъвазна.
Ш.Р.Рамазанова Дагъустандин цIийи государственность арадал атунин муракаб кIвалахра активнидаказ иштиракна, Дагъустандин халкьарин садвал, битаввал, ислягьвал мягькемарунин ва миллетрин арада разивал хуьнин крарик еке пай кутуна.
Вичин карчивилин виниз тир ерийралди, республикадин абадвал патал гзаф йисарин бегьерлу кIвалахдалди Ш.Рамазанова общественностдин патай гьуьрмет къазанмишна. 1994-йисуз ам РД-дин Государственный Советдин членвиле хкяна. Гуьгъуьнлай яргъал йисара РД-дин Госсоветдин кадрийрин политикадин рекьяй Управленидин начальникдин жавабдар къуллугъдал хьана. Ш.Р. Рамазанов ада кIвалахай вири чкайра кар алакьдай тешкилатчидин ва руководителдин чешне тир. Ада вичин гъилик квайбурувай истемишунардай, абурун дердиникай хабар кьадай, инсанрив, абурун гьал-агьвалдилай, фикиррилай аслу тушиз гьуьрметдивди эгечIдай.
Дагъустан Республикадин вилик Шагьидин Рамазановичан лайихлувилер государстводин хейлин наградайралди къейднава.
Шагьидин Рамазановичан экуь къамат ам чидай, адахъ галаз санал кIвалахайбурун рикIера гьамишалугъ яз амукьда.
В.А.Васильев, Х.И.Шихсаидов, А.А.Здунов, В.В.Иванов, С.С.Агьмедов, Гь.Гь.Гьуьсейнов,
А.Ш.Къарибов, К.М.Давдиев, Е.А.Ельникова, М.Гь.Магьмудов, А.М.Абдулмуслимов,
Р.Ж.Жафаров, В.В.Лемешко, У.А.Омарова, И.Р.Хайруллин, А.А.Халилов, И.Гь.Ибрагьимов.