“Лезги газетдиз” РД-дин Кьилин ва Гьукуматдин Администрациядин пресс-къуллугъди хабар гайивал, Владимир Васильева республикадин культурадин ва искусстводин са жерге векилриз ва и рекьерай пешекарар гьазурзавай факультетрин са десте студентриз Дагъустандин Кьилин стипендия тайинарнава.
Къейд ийин хьи, стипендия алай йисан 1-сентябрдилай са йисан къене гуда.
Алава пулдин такьатриз лайихлу хьанвайбурун арада, кьилди къачуртIа, РФ-дин искусствойрин лайихлу деятель Хан Баширов, Урусатдин лайихлу художник Альберт Гьажаев, Урусатдин лайихлу артистар тир Елена Чистякова, Мутай Хадулаев ва масабур ава.
ГьакIни стипендиатрин арада литературадин ва музыкадин эсеррин жегьил 11 автор ва яратмишдай факультетрин 15 студент ава.
Пулдин такьатар республикадин бюджетдай чара ийида.
Чи мухбир
