Мукьвара Краснодарда крайдин дережада аваз футболдай турнир кьиле фена. Дагъустандин халкьарин садвилин сувариз талукьарнавай и мярекат РД-дин Краснодардин крайда авай Векилхана тир.
Спортдин акъажунра 9 командади иштиракна. Абурун жергеда “Беркут-Отрадненский район”, “Леки” (Кубань), “Кули”, “Единство”, “Ватан”, “Фий”, “Самур”, “Хнов” ва “Кара” тIварар алай командаяр авай. Абурукай хейлинбур чи ватанэгьлийри арадал гъанвайбур я.
Турнирдин нетижада лезгийрин “Леки” тIвар алай команда 2-чкадиз лайихлу хьана. 1-чка — “Беркут-Отрадненский район”, 3-чка “Кули” командайри кьуна.
Гъалибчийрив кубокар, медалар ва грамотаяр вахкана.
«Лезги газет»
