Сулейман-Стальский райондин хуьруьн майишатдин ва суьрсетдин управленидин начальникдин заместитель Гьамидин Абдулкъафарова чаз гайи делилралди, районда 1650 гектар ципицIлухар (1339 га — бегьердал атанвайбур, 311 га — жегьилбур) ава. 210 га столовый сортаринбур (Молдова ва Августин), 911 га технический сортаринбур (Ркацители, Рислинг, Совиньон, Биянка, Первенец Магаранча) я.
Алай вахтунда районда ципицIрин кьилди-кьилдин сортар кIватI хъийизва. Икьван чIавалди 338 гадай 2753 тонн ракъинин кагьрабаяр кIватI хъувунва, Дагъустандин коньякрин ва чехиррин заводриз вахканва.
Столовый сортаринбур Урусатдин шегьерриз рекье твазва.
“Гюльгери-ВацI”, “Зардиян” ООО-ри, “Алахвердиев” КФХ-ди ва маса майишатри гьар са гадай 100 центнердилай виниз ципицIар кIватI хъийизва. Алай йисуз районда 12500 тонндилай виниз ципицIар кIватIун пландик ква.
Хазран Кьасумов
