РФ-дин Гьукуматдин сайтди хабар гузвайвал, уьлкведин Гьукуматди бюджетдин хилен къуллугъчийрин кьилдин категорийрин зегьметдин гьакъи артухарунин жигьетдай Президентдин майдин указар кьилиз акъудуниз 14,5 млрд. манат пул чара ийида.
Санлай къачурла, и макьсадриз бюджетда 15,4 млрд. манат пул резервда тунва. Адакай образованидин хилез -7,2, илимдинни здравоохраненидин хилериз гьардаз — 3,4 млрд, культурадин хилезни 500 млн. манат пул ахъайда.
Резервда амукьзавай 900 млн. манат мажибар хкажунин ва вацра къвезвай юкьван къазанжидин кьадар артух хьунин нетижаяр веревирд авурла, бюджетдин хилерин арада пай хъийида.
Къейд ийин хьи, алатай йисан декабрдин вацра Гьукуматди бюджетдин хилен къуллугъчийрин зегьметдин мажиб кьуд процентдин артухардай къарар кьабулна.
«Лезги Газет»
