Сулейман-Стальский райондин кьил Нариман Абдулмуталибова алай йисан 7-август­диз 54-нумрадик кваз акъудай тапшуругъдин бине­даллаз вичик райадминистрациядин сайт, “Куьредин хабарар” газет ва Кьасумхуьруьн те­ле­видение акатзавай Информагентст­вода зегьмет чIугвазвай са шумуд касдив Чухсагъулдин­ чарар вахкана.

Абур и чIехи гьуьрметдиз, Чухсагъулдин чарарал кхьенвайвал, “Коронавирусдин азардихъ галаз женг чIуг­ваз­вай вахтунда районда ва республикада кьиле физвай ва­къи­айрикай, властдин органри кьабул­завай серенжемрикай агьалияр гьар юкъуз хабардар авунин, пешекаррин меслятар раиж авунин, гьакIни РФ-дин Конституциядик дегишвилер кухтуниз гьазурвилер акунин ва тухунин карда активвилелди кIвалах авунай” лайихлу хьана.

Кьилди къачуртIа, муниципальный райондин администрациядин Чухсагъулдин чарариз “Информационное агентство” МБУ-дин ру­ко­водитель Жабраил Асланов, адан замести­те­лар тир Асият Мирзалиева (“Куьредин хабарар”­ газетдин кьилин редактор), Агьмед Гьуьсейнов (Кьасумхуьруьн телевиденидин директор), агентстводин экономикадин отделдин заведующий Хазран Кьасумов, корреспондент Эльвира Небиева, “Куьредин хабарар” газетдин наборщик-дизайнер Шагь Шабанов, сайтдин корреспондент Жамиля Омарбегова, телеви­денидин старший оператор Муса Мусаев ва шофер Радмир Абдуселимов лайихлу хьана.

Чухсагъулдин чарар вахкудай мярекатдал райондин кьил Нариман Абдулмуталибова райондин массовый информациядин такьатрин векилриз четин макъамда намуслудаказ кIва­лахунай чухса­гъул лагьана, абурухъ кIва­лах­да агалкьунар хьана кIан­завайди къейдна.

Чпин кIвалахдиз хъсан къимет гунай Информагентстводин работникри райондин кьил Нариман Шамсудиновичаз рикIин сидкьидай сагърай  лагьа­на ва ам чпин хиве авай везифаяр мадни хъсандиз кьилиз акъуд­дайдахъ инанмишарна.

Хазран  Кьасумов