1. Пуд йисалай ирид йисал къведалди яшда авай аялриз гьар вацра гузвай пул къачудай ихтияр гьихьтин хизанриз ава?

— Сифте нубатда — пуд йис тамам хьанвай аялар авай хизанриз. Пул аялдин муьжуьд йис жедалди гузва. Анжах са шартI ава. Вири хизанривай и пул къачуз жедач. Ам вацран къазанжидин кьадар яшамиш хьун патал герек пулунин регионда тайинарнавай агъа кIа­нин кьадардилай (прожиточный минимум) артух тушир хизанриз гузва.

2. 2020-йисуз муьжуьд йис тамам хьанвай аялриз и пул гузвани?

— Эхь. Эгер алай йисуз аялдин муьжуьд йис тамам хьанватIа, диде-бубадивай 2020-йисан 1-январдилай аялдин муьжуьд йис тамам жедалди арада авай варцарин пул къачуз жеда.

3. Хизандиз къвезвай къазанжидин кьадар тайинардайла, вужар гьисаба кьазва?

— Диде-буба (эгер абуру ЗАГС-да регистрация авунватIа), къаюмар ва 18 йис тамам тахьанвай вири аялар.

Республикадин МФЦ-дин пресс-къуллугъ