Уьлкведин кьилин СМИ-ри хабар гузвайвал, коронавирус акатнавайбуруз медицинадин рекьяй куьмек гузвайбур патал алава пулдин такьатар чара ийида. Ихьтин къарардин проект Урусатдин гьукуматди кьабулнава. Пулдин кьадар гьикьван ятIа, гьелелиг малум туш.

КьетIен шартIара кIвалахунай ва алава везифаяр кьилиз акъудунай медицинадин къуллугъчийриз алава пул гун патал резервдин фондунай уьлкведин здравоохраненидин министерстводиз такьатар чара ийида.

РикIел хкин, са тIимил вахт идалай вилик кьиле фейи уьлкведин гьукуматдин нубатдин заседанидал премьер-министр Михаил Мишустина коронавирус акатнавайбурухъ гелкъвезвай пешекарриз гун патал 76 региондиз 9 млрд манатдилай виниз пулдин такьатар чара авунин теклиф ганай.

«Лезги газет»