“Миграгъ” тешкилатдин Махачкъалада яшамиш жезвай векилри Докъузпара райондин больницадин кьилин духтур, карчи ва инвестор Шагьлар Бухсаеваз сагърай, ви девлетар ва жумартвал мадни артух хьурай лугьузва.
Акьалтзавай несилар патал хуьруьн къене вири мумкинвилер авай ахьтин цIийи бахча ачухун, гьакъикъатдани, алай девирда кьегьалвилиз барабар я. Несилар патал харж авур гьар са манатдини гележегда вичиз гекъигун авачир девлетар хкидайдал шак алач.
ЦIийи бахча неинки аялар патал имарат я, ада Бухсаеврин тIвар гьамиша хъсан патахъай рикIел гъида, алхишрин гафар мецел къведа:
Квахьдайбур туш несил патал
ЧIугур зегьметар.
Гъетериз кьван артухарда
Элдин гьуьрметар.
Тешкилатдин векилар: Къ.Акимов, А.Эсетов, А.Къардаш, А.Байрамов, Б.Бутаев ва масабур.