И йикъара Махачкъалада лезги чIалал “Мугьаммад Пайгъамбардин уьмуьрдин рехъ” тIвар алай ктаб чапдай акъатнава.
Ктаб гьазурайди диндин рекьяй алим Ямин гьажи Мегьамедов я. Ктаб туькIуьрайди ва ана гьатнавай материалар араб ва урус чIаларай лезги чIалаз таржума авурди Махачкъалада авай имам аш-Шафиидин тIварунихъ галай мискIиндин имам Ливаудинан хва Тажидин Къазибегов я. Редакторрин везифаяр “Лезги газетдин” кьилин редактор Мегьамед Ибрагьимова, “Къурушрин сес” газетдин кьилин редактор Муса Агьмедова ва филолог Абдулзагьир Атаханова тамамарнава.
Ктаб илимдин кIвалах яз гьисабзавач, гьавиляй ана менфят къачунвай чешмеярни илимдин кIвалахра хас къайдада къалурнавач.
“Мугьаммад Пайгъамбардин уьмуьрдин рехъ” ктабдин куьмекдалди лезги чIалал кIелзавай мусурман стхайривайни вахаривай чи Пайгъамбардин (къуй Аллагьдин патай салават ва саламар хьурай вичиз) уьмуьрдин рекьикай хейлин делилар чириз жеда.
Ктаб Махачкъалада, “Лезги газетдин” редакциядай — 500, Малыгинанни Шеболдаеван тIварарихъ галай куьчейрин къекъуьндал алай “Умма” туьквендай 650 манатдай маса къачуз жеда.
«Лезги газет»
