Махачкъалада “Пак Къуръан ва адан манайрин таржума лезги чIалал” тIвар алаз лезги чIалал Къуръандин аятрин манаяр чапдай акъатнава. Араб чIалай таржума авурди диндин рекьяй алим Ямин гьажи Мегьамедов я.
Къейдна кIанда, Къуръандин аятрин манаяр лезги чIалал, алаваяр ва туькIуьр хъувунар кухтуна, кьвед лагьай сеферда ахкъуднава.
“Пак Къуръан ва адан манайрин таржума лезги чIалал” Урусатдин мусурманрин Духовный управлениди тестикьарнава. Идан гьакъиндай Урусатдин муфтийрин Советдин председатель, шейх Равиль Гайнутдинан ктабдин сифтегьан чинра ганвай тебрикдин гафуни шагьидвалзава.
Ктаб Махачкъалада, “Лезги газетдин” редакциядай, Малыгинанни Шеболдаеван тIварарихъ галай куьчейрин къекъуьндал алай “Умма” туьквендай маса къачуз жеда.
«Лезги газет»
