Дагъдин лекьрез

(Сулейман Керимоваз)

 

На эцигай чIехи мискIин,

Меркездин юкьвал хьана хьи,

Мусурманри авур кпIaр,

Дуьаяр гьалал хьана хьи!

Цуьк акъатай гатфар бере,

Ава зун шегьердин къене,

РикIе гьатна са капI авун

Меркездавай мискIид къене.

 

Жуьмядин югъ, нисин бере

КIватI хьанва халкь мискIид къене,

Сулейманаз дуьа ийиз,

КапI ийизва вирида къе!

 

Акунач заз ихьтин мискIин,

Икьван гуьзел туькIуьрнавай.

Аллагьди хуьй чи Сулейман

Виринра экв куькIуьрнавай.

* * *

Мектебарни бахчаяр мад

Худда туна эцигзава.

Сулейманни Хизри гьакьван

Чи дердийриз килигзава.

 

Сад лезги я, садни авар,

Жемятдик кутунва лувар.

Вирида ийизва гьуьрмет,

Акъваз тийиз гузва нуьсрет.

 

Ин дуьньядал алахъа куьн

Ийиз анжах хъсанвилер.

Са къуз фида Эхиратдиз,

Мийир ерли такIанвилер.

 

Пул авайда дарда авай

Гьар са касдиз куьмек ая!

Сувабдин кар хъсан кар я,

Са мискIиндиз дестек ая.

 

Аэропортдин шегьре рекьер,

Кьве патани ёлкад хилер,

Акур инсан жезва гьейран

Ви гьунар я, чан Сулейман.

 

Дербент шегьер, шегьре рекьер

КуькIуьрнава кьуд пад эквер

Акур касдиз чир хъжезвач:

Шегьер хьанва гьакьван иер.

 

Халкьдин кьилин винизвал я,

Чи дамах я вун, Сулейман!

Вири рекьер ахъа хьуй ваз

Чи даях я вун, Сулейман!

«Лезги газетдин» 2020-йисан 25-нумрадай