Махачкъалада яшамиш жезвай Ялахърин руш,“Лезги газетдин” редакциядин къуллугъчи, кIани диде, хтулрин баде, вафалу кайвани Муминат  Казимовна  Казимовадиз:

И дуьньядин хъсанвилер,

Вири санлай кьисмет хьуй ваз!

Яргъа хьурай такIанвилер,

Аллагьдикай нуьсрет хьуй ваз!

 

Редакция — кьвед лагьай кIвал —

Садрани на тунач усал,

Вине кьазвай эдеб, камал

Руьгьдин чIехи девлет хьуй ваз!

 

Чандин сагъвал хьуй вахъ кIубан,

Агалкьунар — мадни кьакьан,

Вафалу дуст, къени инсан,

Яргъи уьмуьр кьисмет хьуй ваз!

 

Такурай ваз сефил йикъар,

Патав хьурай багъри ксар,

Ви гьар са югъ хьурай сувар,

Дуьнья ацIай гьуьрмет хьуй ваз!

Ваз хайи югъ мубаракзавай “Лезги газетдин” редакциядин коллектив.

______________________________________________________________________________________________________________

Бадедин пак тIвар алай веледдиз бахшзава:

Сад Аллагьди аманат яз гайи велед,

Уьлкве  гъалиб хьайи юкъуз­ хайи велед,

Вири уьмуьр зи къайгъудай фейи велед.

Къе веледрин юкьва ваз шад сувар я,

Невеяр ви рикIин мягькем лувар я,

Абур майдандиз атун ви гьунар я.

Четин чIавуз абур-сабур  хвейи велед,

Багърийризни рикIе чка  хьайи велед,

Зи руьгьдизни ракъинин нур гъайи велед.

Ваз уьмуьрдин лишанлу югъ мубаракзавай буба Казим Казимов ва вири багърияр.