2017-2019-йисара Дагъустандин агьалийрин кьадар 2,3 процентдин артух хьанва. И жигьетдай республика Урусатда сифтегьан 10 субъектдин арада ава.
“Новости” РИА-ди хабар гузвайвал, санлай къачурла, эхиримжи пуд йисуз уьлкведа агьалийрин кьадар 0,04 процентдин тIимил хьанва. Алай вахтунда Урусатда 146 миллионни 748 агъзур агьали яшамиш жезва. 26 регионда агьалийрин кьадар авайдалай артух хьанва. Демографиядин рейтингдин делилралди, эхиримжи пуд йисуз Дагъустанда саки 100 агъзурдав агакьна аялар ханва. И жигьетдай республика уьлкведа сад лагьай чкадал ала. Гьа са вахтунда республикадай къецепатаз куьч хьанвай дагъустанвийрин кьадарди 30 агъзур тешкилнава.
Алай вахтунда Дагъустанда агьалийрин кьадар 3 миллионни 100 агъузрдалай алатнава.
«Лезги газет»
