РД-дин образованидин ва илимдин министерстводин пресс-къуллугъди хабар гузвайвал, муаллимри мектебра кIелзавай аялар ЕГЭ ва ОГЭ вахкуз гьазурун патал видео-тарсар арадал гъизва. Лентиниз къачузвай тарсар Дагъустандин образование вилик тухудай институтдин сайтда эцигзава.

Дагъустандин Гьукуматдин Председателдин заместитель Уммупазиль Омаровади къейдзавайвал, видео-тарсарин куьмекдалди школьникривай имтигьанриз хъсандиз гьазурвал акваз жеда. И кар кьилиз акъудунал республикадин виридалайни хъсан муаллимар желбнава.

Лагьана кIанда, дагълух районра авай школьникривай, шегьерда хьиз, интернетдикай гегьеншдиз менфят къачуз жезвач. Абур патал видео-тарсар махсус флешкайра аваз муниципалитетрин образованидин управленийриз рекье твада.

«Лезги газет»