Гьуьрметлу юлдашар!
Къенин юкъуз коронавирусдин садакай масадак акатдай азар себеб яз арадал атанвай гьаларин вилик пад кьун ва республикада кьетIен гьалар (режим повышенной готовности) кардик кутунихъ галаз алакъалу яз Дагъустан Республикада авай МВД-ди агьалийриз кIваляй экъечI тавуниз (самоизоляция) ва сергьят эцигнавай амай къайдайрал амал авуниз эвер гузва.
ИкI, тайинарнавай къайдайрал амал тийизвай ксар алай йисан 1-апрелдилай къуватда гьатнавай статьядай (КоАП 20.6.1 РФ) административный жавабдарвилиз чIугвада. КьетIен гьалар кардик квай вахтунда адан къайдайрал амал тавурла кIевиз туьмбуьгь ийида ва я тахьайтIа, агьалияр са агъзур манатдилай 30 агъзурдал, къуллугърал алай ксар — 10 агъзурдалай 50 агъзурдал, карчивилел машгъул ксар (без образования юридического лица) 30 агъзурдалай 50 агъзурдал ва коллективарни 100 агъзурдалай 300 агъзурдал кьван жерме ийида.
РикIел хуьх: эгер гьар са агьали и кардив жавабдарвал гьиссна эгечIайтIа, чавай коронавирусдин вилик пад кьаз жеда! Арадал атанвай чIуру гьалар фикирда кьуналди, сабурлувал хуьзвай ва духтурри къалурзавай меслятрал амалзавай ксариз чна сагърай лугьузва.
«Лезги газет»
