Четин вахтунда сада-садаз куьмекдин гъил яргъи авун инсандин рикIинни  гъилин ачухвал къалурунин лишан я.  Къенин четин йикъарани ахьтин кьегьал рухваярни рушар майдандиз экъечIунал чун гзаф шад я.  Чпин рикIин эмирдалди абуру тIем акакьдай крар кьилиз акъудзава, къенивилериз шегьре рехъ ачухзава.

ИкI, и йикъара Сулейман-Стальский райондин Собранидин депутат, карчи Максим Аскерова вичин хсуси карханада жунадикай гзаф сеферра ишлемишдай маскаяр цвана ва абур пайна. Сифтегьан  3000  маска — Сулейман-Стальский райадминистрациядиз (100),  районда авай ОМВД-диз (100),  райондин центральный больницадиз (300), Агъа СтIалрин ФАП-диз (100), Кьулан СтIал­рин ФАП-диз (50), Дербентдин ЦРБ-диз, мергьяматлувилин “Инсан” фондуниз (200) ва агьалийриз (2000).

Мукьвал йикъара Максим Аскерова хсуси материалдикай мадни 10 000 маска цвана, организацийрив агакьарун пландик кутунва.

Райондин кьил Нариман Абдулмуталибова депутат, карчи М.Аскероваз авур куьмекдай сагърай лагьана. Ихьтин кардик кьил кутуни инсандин рикIин ачухвал ва ватандашвилин дуьз рехъ къалурзавайди къейдна.

Чи  мухбир