Дагъустандин зегьметдин ва яша­йишдин жигьетдай вилик финин министерстводин жегьилар кIва­лах­далди таъминарунин рекьяй “Агалкьун” центрадай  “Лезги газетдиз” хабар гайивал, министерстводи ва Россиядин студентрин отрядар тешкилатди алай вахтунда Московский областдиз цIийи рехъ эцигун патал рекье твадай жегьилрин бригадаяр кIватIзава.

И важиблу проект уьмуьрдиз кечирмишунин карда зегьметдал рикI алай, жавабдар, чпик чIуру хесе­тар квачир ва яшарни 18-далай виниз тир жегьилривай  иштиракиз же­да. КIвалахдай чкадал кьван физ­вай рекьин гьакъи работодателди гуда, гьакIни — йикъа пуд сеферда тIуь­нал­ди ва яшамиш жедай чка­далдини таъ­минарда. КIвалахзавай ксариз махсус партал гуда, абур общежитида яшамиш жеда.

Вацран мажибдин кьадар 28-далай 33 агъзурдал кьван я. Гьафтеда са юкъуз ял яда.

КIвалахдал РФ-дин Зегьметдин ко­дексдал асаслу яз кьабулда. Жу­вав гваз хьун лазим тир документар ибур я: паспорт, снилс, ИНН ва медицинадин полис.

И малуматдиз талукь яз эгер суалар пайда хьайитIа, РД-дин зегьметдин ва яшайишдин жигьетдай вилик финин министерстводин жегьилар кIвалахдалди таъминардай центрадай чириз жеда. Ам авай чка:  Махачкъала, Абубакарова, 117, 1-мертеба, 126-кабинет.

Лазим малуматар телефондин и нумрайриз зенгнани къачуз жеда: 67-94-45, 8-963-375-95-80.

Чи мухбир