21-февралдиз ДГУ-дин филологиядин фа­культетдин урус ва Дагъустандин чIала­рин отделенида Дидед чIа­ларин йи­къан мярекат кьиле фена. Ам гьазурайди ва кьиле тухвайди Дагъустандин чIа­ларин кафедрадин заведующий, профессор Муса Расулович Баго­медов я. Адаз куьмек гьа  отделенидин студентри гана.

Мярекатдал авар, агъул, азербайжан, дарги, къумукь, лак, лезги, ногъай, рутул, табасаран, тат, цIахур, чечен ва урус чIаларал хейлин шиирар кIелна, манияр лагьана.

Чпин фикирар факультетдин декан Шабан Мазанаева, ДГУ-дин проректорар тир Мадина  Мегьамедовади, Мегьамед Гьасанова; Дагъустандин писателрин Союздин  председатель Мегьамед Агьмедова, «Дагъустандин дишегьли» журналдин редактор Сувайнат Куьребеговади ва масабуру  лагьана.

Ашукь Алихана мярекат  мадни гурлу авуна.

Хуьн чна чи дидед чIал, играмибур!..

Бажарагълу шаир, драматург Седа­къет Керимовадин са бендина къейднавайвал,

… Ша алахъна кIватI хъийин чIал,

Гьич тахьайтIа чукIур тийин.

Жуван гъилив жуван рикIе

Чна хенжел акIур тийин!

Жемиля Ризаева