Мубаракрай!
Сулейман-Стальский райондин КIварчагърин хуьре яшамиш жезвай зегьметдин ветеран, яргъал йисара “Коммуна” совхоздин кьилин экономиствиле къуллугъай устад, чIехи хизандин кьил, хуьре, магьалда гьуьрметлу инсан
Велиханов Велиханаз:
Яшар ухшар я къашариз,
Акъуднава вун аршариз.
Асайиш чи вилик тухуз,
Хунчадиз ам мерд ухшариз.
КичIе тушиз зегьметдихъай,
Девир а ви дикъетдик квай.
Хуьрни, кIвални варлу хьана,
Гьар са патай гьуьрметдик ква!
Фенач гьич са югъни бада,
Хкажна чи кьисмет-кьадар.
Мадни гудай яшара ваз
Куьмек хьурай ЧIехи Худа!
Ви 80 йисан юбилей тебрикзавай рухваяр, рушар,
сусар, езнеяр, хтулар, птулар, вири багърияр.
____________________________________________________________________________________________________________
Мубаракрай!
Эритреяда Россиядин Федерациядин посол Ярагьмедов Азим Алаудиновичаз армиядин генералвилин чин ганва лагьай хабарди чак шадвал кутуна.
Садни кьвед туш чи миллетдикай къецепатан гьукуматра авай Россиядин посольствойра кIвалахзавайбур. Абур тамам са десте ава : Микаилов Энвер, Къурбанов Нариман, Амирбегов Элчин, Агъаметов Тимур, Баглиев Мурад, Забитов Магьамед-Саид, Рамазанов Сабир. Сагърай чеб!
1999-йисан зулуз Международный бандитрин кIеретIар тергдайла лезги журналистрини хци къелемдалди зегьмет чIугуна. “Лезги газетда” а вахтунда герек материалар чап авур Мердали Жалиловни Алаудин Гьамидов “Международный бандформинованияр кукIварайдалай инихъ 20 йис” медалриз лайихлу хьана. За абурузни шабагьар мубаракзава.
Абдулашим Гьажимурадов, муьгъверганви
