Квез чидани?
РАН-дин федеральный ахтармишунрин Дагъустандин центрадин биологиядин ресурсрин прикаспийский институтдин илимдин кьилин къуллугъчи Юрий Яровенкоди Индиядин дикобраз (кьуьгъуьрдиз ухшар, цацар алай гъвечIи вагьши) чи уьлкведа пуд чкада, гьа жергедай яз Докъузпара райондин Къурушрин хуьрени пайда хьанвайдакай малумарнава. Пешекардин фикирар “АиФ Дагъустан” чешмеди раижнава.
Дикобраз нек хъвадай гьайванрик акатзава. Ю. Яровенкодиз Дагъустанда и гьайван Докъузпара райондин Къурушрин хуьруьн дагълара жагъанва. Ам гьакIни Рутул ва Тлярата районрани пайда хьанвайдакай хабар гузва.
Дикобраз неинки Индияда, гьакI Азиядин кьиблепатан вири мулкара гьалтзава. Абур йифен вахтунда уях уьмуьр кьиле тухузвай гьайванар я. Дагълух чкайрилай гъейри, абурун рикI тамарални ала.
Пешекардин фикирдалди, чи регионда дикобраз пайда хьун гьавадин шартIар дегиш хьунихъ галаз алакъалу я. Ам къайивилиз четиндаказ дурум гуз алакьдай гьайван я. ТIуьниз адавай емишар, салан майваяр, набататрин дувулар, техил, жуьреба-жуьре набататрин бертер ишлемишиз жеда.
«Лезги газет»
