И мукьвара Махачкъаладин 42-нумрадин мектебдиз Госдумадин депутат Гьажимет Сафаралиев мугьман хьана ва ада школадин коллективдихъ галаз суьгьбетарна. Муаллимри чпин кIвалахда гьалтзавай бязи ме­сэлайрикай, игьтияжрикай лагьана, кьилди къачуртIа, мажибар гъве­чIи­бур хьунилай наразивална. Мектебдин директор Тимур Саркарова ва профсоюздин председатель Сапижат Къурбановади муаллимрин наразивилер ва тIалабунар гьахълубур тирди тестикьарна.

Гьажимет Керимовича мектебдин муаллимриз вичивай жедай куьмекар гун хиве кьуна. Мектебдиз атана, муаллимрихъ галаз ихьтин гуьруьш кьиле тухунай вири муаллимрин патай Тимур Нусретовича депутатдиз сагърай лагьана.

Къейд ийин,  мектебда ихьтин гуьруьшар, мярекатар тухун адетдиз элкъвенва.

Мегьри Абдурашидова, 42-нумрадин школадин муаллим