Гьуьрметлу ватанэгьлияр! Вакъиайралди, шад краралди, хейлин цIийи агалкьунралдини девлетлуди хьайи 2019-йис тарихдиз физва.
2020-йиса вичин нурар, варар чи вилик ахъайнава. Ам вакъиайралди алатай йисалайни девлетлу жедайвал я. ЧIехи Гъалибвилин 75 йисан, чи газетдин 100 йисан, камалэгьлияр тир Ярагъ Мегьамедан, Ахцегь Мирзе Алидин ва масабурун юбилейри чак кьетIен руьгь, уьтквемвал кутазвайдал, мурадриз генгвал гузвайдал шак алач. Чи хуьрер авадан, яшайиш мадни мублагь жеда.
Чна квез ЦIийи йис рикIин сидкьидай мубаракзава. Къуй квехъ сагъвал, кIвалера шадвал, берекат, гьуьрмет артух хьурай! РикIера авай хъсан вири мурадрив агакьрай! Амин.
«Лезги газетдин» редакциядин коллектив
