7 ва 8-декабрдиз Каспийскда, Али Алиеван тIварунихъ галай спорткомплексда, спортдин международный классдин мастер Юнус Гьуьсейнован экуь къаматдиз бахшна ушу-саньдадай международный VI турнир кьиле фена. Заланвилин 9 категориядай 100-лай виниз спортсменри чпин устадвал къалурна.

Виридалайни къизгъин бягьсер 75 кг-дин заланвал авай саньдаистрин арада кьиле фена. ГьикI хьи, и категорияда (Ю.Гьуьсейнов вичин вахтунда и заланвиляй экъечIзавай) гъалибвал къазанмишайдаз автомобиль гузвай. Кьилин пишкешдиз Махачкъаладин “Возрождение” клубда устадвал хкажзавай Багатыр Казанатов лайихлу хьана.

«Лезги газет»