Кьасумхуьрел, И.Тагьирован тIварунихъ галай культурадин дараматда, Сулейман-Стальский райондин умуми образованидин идарайра кIелзавайбурун арада шахматрай турнир кьиле фена.

Ам райондин физический культурадин, спортдин, туризмдин ва жегьилрин крарин рекьяй  комитетди (директор — Надир Эфендиев) ва образованидин управлениди (начальник — Гьуьсейн Шихбабаев) тешкилнавайди тир. Ам ачухуниз талукь мярекатда райондин кьил Нариман Абдулмуталибовани иштиракна.

Турнирда райондин 24 школадай атанвай 200-дав агакьна гадайрини рушари, яшарин пуд категориядик кваз (10 йисал къведалди, 10-14 ва 14-17 йис яшар хьанвайбурун арада) чпин алакьунар къалурна. Нетижада 3 гадани 3 руш турнирдин гъалибчияр хьана, 12 касди 2 ва 3-чкаяр кьуна. Абуруз  райондин образованидин управленидин 1, 2 ва 3-дережайрин дипломар, пулдин ва къиметлу пишкешар гана.

Хазран Кьасумов