Майишатрин дигидай цин “Теки-Къалажух” уртах къанал “Зи Дагъустан — зи яд” проектдин сергьятра аваз туькIуьрзава. Алай вахтунда анал ремонтдин кIвалахар давам жезва.
Докъузпара райондин “Капитальный эцигунрин, архитектурадин ва яшайишдин кIвалеринни коммунальный майишатдин отдел” МКУ-дин начальник Али Къарибован гафаралди, дигидай цин къаналдал чилин кIвалахар 85 процентдин куьтягьнава. Алай вахтунда водоводдин турбаяр кукIурун патал сваркадин кIвалахар кьиле тухузва. Къаналдин яргъивилел 8,5 километр ала.
Ремонтдин кIвалахар алай йисан 20-декабрдалди куьтягьун лазим я. РикIел хкин, Владимир Васильева кьил кутуналди, республикадин пуд проект туькIуьрна ва тестикьарна. Абурукай сад — “Зи Дагъустан — зи яд” алай йисан эхирдалди Дагъустандин муниципалитетра кьилиз акъудун лазим я. И проектрин макьсад — РД-ин муниципалитетра гьалар гьам еридин ва гьам кьадардин жигьетдай хъсанарун я.
«Лезги газет»
