Гьуьрметлу дагъустанвияр!
За квез Халкьарин садвилин югъ мубаракзава!
И сувари гзаф миллетрин векилрикай ибарат ва гзаф динрал амалзавай Россияда асирра арадал атай адетар ирс яз кьабулун лишанламишзава, чи тарихдин игитвилин чинар – жуьреба-жуьре къатарикай тир, жуьреба-жуьре динрал амалзавай, жуьреба-жуьре миллетрикай тир россиявияр, зидвилер алудуналди, Ватандин аслу туширвал ва садвал патал женгина тупламиш хьунихъ галаз алакъалу чинар — рикIел хкизва.
Россиядин халкьарин садвилин фикир, руьгьдинни ахлакьдин ивирриз вафалувал, гьакъикъи ватанпересвал чи Ватан хушбахт хьунин, ам авадан хьунин заминвал я.
Чна вирида чи тарих рикIел хуьн, анжах саналди тир чалишмишвилералди четинвилерал тIем гъиз, чун вилик финин рекье гьалтзавай манийвилер арадай акъудиз жедайди рикIелай ракъур тавун лап важиблу я.
Къимет эцигиз тежер кьван багьа ирс хуьн ва артмишун, чи уьлкве къвердавай вилик физвайди, мадни тупламишди ва къудратлуди авун — им къе вилик акъвазнавай важиблу везифа я. Дагъустандиз ва Россиядиз хийир гуз кIевелай чалишмиш хьуни чи рикIера садвилин гьисс мягькемарзава, чаз яратмишунрин къуват гузва, чак уьмуьр хъсанвилихъ дегишарунин кьетIивал кутазва.
Заз квехъ мягькем сагъламвал, ислягьвал ва хушбахтвал, Дагъустандин ва Россиядин лайихлу гележег патал цIийи агалкьунар хьун кIанзава.
Дагъустан Республикадин Кьилин везифаяр
вахтуналди тамамарзавай В.Васильев
