«Islamdag.ru» сайтди хабар гузвайвал, РД-дин Муфтиядин илимдин ва образованидин отделди лезги чIалал «Исламдин гьакъикъат» тIвар алай ктаб чапдай акъуднава.

Ана гьар са динэгьлиди амална кIанзавай эдебдинни ахлакьдин къайдайрикай гегьеншдиз раханва ва мусурманрин диндин дибриз талукь суалриз жавабар гьатнава.

Къейд ийин хьи, ктабда гьакIни чпелай кьулухъ Исламдин тарихда кьетIен гел – руьгьдин девлетлу ирс тунвай диндин машгьур алимрикай делилар, абурун уьмуьррай итижлу вакъиаяр ганва.

«Лезги газет»