Квез чидани?
— Чпин бедендин екевилиз килигайла, виридалайни гзаф заланвал авай къуш кьукь (дудак) я.
— Винел патан акунар лепе алай циз ухшар туьтуькъушар 20 йисуз кьван яшамиш жезва. Вири жуьредин туьтуькъушрикай абур виридалайни гзаф йигинвал авайбурни я.
— Девекъуш, киви, додо, пингвин, казуар — ибурувай лув гуз жезвач.
— Виридалайни чIехи къуш девекъуш я. Адан кьакьанвал 2 метрдилайни артух жеда.
— Гьар са къушран кIуфун кIалуб ада тIебиатда незвай емдив кьурди я.
— Къенин юкъуз инсанриз дуьньяда яшамиш жезвай 10694 жуьредин къушар малум я.
— Дуьньяда лувар квачир анжах са къуш ава — киви.
— Къушариз гьекь акъатдач.
— Дуьньяда виридалайни гъвечIи кака колибри къушранди я.
— Къушарин кIарабрилай абурун цIакулар залан я.
— Вири дуьньяда зегьерлу къушарин ругуд жуьре ава.
— Колибридивай кьулухъдини лув гуз жеда.
— Виридалайни гзаф йигинвал авай къуш сапсан (картарин жинсиникай тир къуш) я.
— Чинеругдин вилериз инсандинбурулай 8 сеферда хъсан аквазва.
— Филиппинрин сергьятра лекьериз еке къимет гузва, гьавиляй абур кьейидаз 12 йисуз дустагъда ацукьарунин жаза гузва.
«Лезги газет»
