Куь ихтиярар
Къенин юкъуз чи уьлкведа зегьметдин ветеранриз эвездин жуьреба-жуьре такьатар гузва, гьукуматдин патай куьмек яз, яшайишдин жигьетдай кьезилвилерни тайинарнава.
Кьилди къачуртIа, зегьметдин ветеранриз агъадихъ къейднавай кьезилвилер талукь я:
к коммунальный къуллугърай гузвай гьакъидин кьезилвилер;
к кIвалахал алай зегьметдин ветерандивай вичин рикIиз мус кIан хьайитIа, гьа чIавуз рухсат къачуз хьун;
к гьукуматдин стоматологиядин поликлиникайра гьавая протез туькIуьриз хьун;
к муниципальный азарханайрин къуллугърикай пулсуздаказ менфят къачун.
Зегьметдин ветеран лагьай тIвар къачун патал МФЦ-диз арза гузвай касдив вичин паспорт, зегьметдин книжка, са шикил (3х4 кIалубдин) ва орденралди, медалралди къейднавайвилин гьакъиндай шагьидвалзавай чарар-цIарар хьун чарасуз я.
Республикадин МФЦ-дин идаради къейдзавайвал, зегьметдин ветеран лагьай тIвар 25 йисан девирда кIвалахнавай ксариз гузва, амма бязи шартIара идалай тIимил йисара зегьмет чIугунвайбурувайни къачуз жезва. Бес кьадар стаждилай гъейри, зегьметкешдихъ федеральный госведомствойри ганвай тафаватлувилин лишанар — шабагьар хьун герек я.
«Лезги газет»
