Махачкъаладин “Анжи”, эхирни, гъалиб хьана! Команда Россиядин футболдин Лигадин 14-турдин сергьятра аваз Туладин “Арсеналдихъ” галаз хайи чилел 3:2 гьисабдалди къугъвана.
Сифте туп чилин иесийри яна. Сад лагьай таймдин эхирда мугьманрин командадин векил Сергей Ткачева гьисаб барабар хъувуна. 49-декьикьада Туладин командадин варариз тайинарай пенальтидин нетижада махачкъалавияр мад вилик акатна. 65-декьикьада Аяз Гулиева “Анжидин” хийирдиз пуд лагьай туп яна, анжах са декьикьадилай Лука Джорджевича “Арсенал” са тупунин вилик кухтуна. Им и къугъуна ягъай эхиримжи туп тир. Гила 30-октябрдиз “Анжи” Грозныйда “Ахматахъ” галаз къугъвада.
Дагъви Шериф
