Дагъустандин жегьилрин  крарин министерстводи ва  Кефердин  Кавказдин исламдин ахтармишунрин центрди  экстремизмдин ва терроризмдин  сиясатдиз  акси Комплексный программа  кьилиз акъудун  мурад яз, чна  лезги чIалал жегьилар гъавурдик кутунин кIвалах тухвана, — хабар гузва Руслан Гереева, ЦИИСК-дин директорди.

И вакъиадиз баянар гудайла, ада лагьана:

— Алай девирдин жегьилар гьар юкъуз эксремизмдихъ ва терроризмдихъ ва маса  чIуру крарихъ галаз дуьшуьш жезва. Абуруз акси яз тухузвай марекатар жегьилриз дуьз тербия гузвайбур хьана кIанда. Гьавиляй  ийизвай суьгьбетар, кIелзавай лекцияр, къалурзавай шикилар  жегьилар гьавурда акьадайбур, куьруьбур, метлеблубур  хьун лазим я.

Центрдин вилик акъвазнавай месэлайрикай рахадайла, Руслан Гереева къейдна:

—  Жегьилриз  тербиядин  материалар къалурдайла, терроизмдихъ ва экстремизмдихъ  галаз алакъалу мисалар гъана кIанда. Абурукай сад  ФСБ-дин капитан  Артур Бабаева, вичин чандиз къаст ауна, 300 касдин чан  кьиникьикай къутармишай дуьшуьш  я. Ада жегьилрин рикIиз  дериндай таъсирзава.

Ихьтин игитвиляй  Артур Бабаеваз  Россиядин Федерациядин Президент В.В.Путинан  2009-йисан  16-сентябрдин  Указдалди  хайи йикъалай    «Уьткемвилин орден»  гана.  Игитдин тIвар вичи кIелай Магьачкъаладин   30-гимназиядал  эцигна. Адан къаматдиз зари Мерд Алиди «Артур»  поэма бахшна. 2019-йисуз  «Алеф» чапханадай  Руслан Герееван «ФСБ-дин капитан» ктаб акъатна.

Чи мухбир