Докъузпара райондин кьилин везифаяр вахтуналди тамамарзавай А.Агьмедова набутдин хизандив яшамиш жедай кIвал маса къачун патал субсидия гузвайдан гьакъиндай шагьадатнама вахкана.
Гуьруьшда МФЦ-дин Докъузпара райондин филиалдин директор Руслан Исмаилов ва МФЦ-дин юрист Тимур Къанберов авай.
Шагьадатнама вахкудалди вилик Докъузпара райондин кьилин везифаяр вахтуналди тамамарзавай А.Агьмедова Даштемироврин хизандиз и кар мубаракна, абурухъ мягькем сагъламвал, хизанда хушбахтлувал, яргъи уьмуьр ва шад, экуь йикъар гзаф хьана кIанзавайди лагьана. Докъузпара райондин ЦIийи Къаракуьре хуьре яшамиш жезвай и хизанда набут аял — Айишат Даштемирова ава.
Вичин нубатдай яз Ф.Даштемирова райондин кьиле авай ксариз ва МФЦ-дин къуллугъчийриз куьмек гунай сагърай лагьана.
РикIел хкин: субсидияр къачудай мумкинвал 1-группадин набутриз ва набут аялар авай РФ-дин вири хизанриз ава.
«Лезги газет»
