14-октябрдиз “Россия — зи тарих” тарихдин паркунин майдандал рекъемрин телевиденидал элячIунин шадвилин мярекат кьиле фена. Идан гьакъиндай “Дагъустан” ГТРК-ди хабар гана. Мярекатда Дагъустандин вице-премьер Владимир Лемешкоди, РФ-дин Минкомсвяздин департаментдин директордин заместитель Олег Кузнецова, РД-дин Кьилин ва Гьукуматдин Администрациядин информационный политикадин рекьяй управленидин начальник Зубайру Зубайруева, РД-дин информатизациядин, алакъадин ва массовый коммуникацийрин министр Сергей Снегирева, Дагъустанда авай РТРС-дин директор Гьажимурад Саидова ва “Дагъустан” ГТРК-дин директор Луиза Алихановади иштиракна.
Мярекатдин иштиракчияр “Хабарар-Дагъустан” программадиз эфирдай эхиримжи сеферда аналогдин къайдада килигна. Ахпа Владимир Лемешкоди инженерриз аналогдин къайдадин тадаракар хкудунин буйругъ гана. Идалай гуьгъуьниз цавуз лишанлу “А” гьарф кхьенвай шарар ахъайна.
Чи республикадихъ галаз санал передачаяр гунин цIийи къайдадал мад къад регион элячIнава. Гьа и чIавуз куьгьне жуьредин 400-далай виниз передатчикар хкудна. Гьа икI, Россиядин Федерация тамамвилелди рекъемрин телевиденидал элячIна. Уьлкведи дуьньяда лап чIехиди тир рекъемрин сеть кардик кутунва.
«Лезги газет»
