Дагъустандин халкьдин садвилин суварин йикъаз талукьарна, Ахцегь райондин 2-нумрадин ДЮСШ-да, 1999-йисуз ва адалай гуьгъуьнин йисара дидедиз хьайи жаванрин арада армрестлингдай райондин кIвенкIвечивал патал акъажунар кьиле фена. И хабар «Лезги газетдив»  райондин администрациядин пресс-къуллугъди агакьарна. 

Спортдин мярекат муниципальный райондин УКСМиТ-ди тешкилна. Акъажунрин нетижада 50 килограммдин заланвал авайбурун арада  1-чка Давудов Расула, 2-чка Усманов Усмана, 3-чка Асалиев Эльмара кьуна;
60 килограммдин заланвал авайбурун арада 1-чка Сулейманов Фаргьада, 2-чка Крымов Мадера, 3-чка Магьмудов Махача кьуна;
70 килограммдин заланвал авайбурун арада 1-чка Крымов Эмира, 2-чка Шагьэмиров Ракима, 3-чка Велиханов Леонида кьуна.
70 килограммдилай гзаф заланвал авайбурун арада  1-чка  Крымов Эмира, 2-чка Велиханов Леонида, 3-чка Шагьэмиров Шагьбалади кьуна.

«Лезги газет»