Сулейман-Стальский райондин Вини СтIалрин мектебда Бесландин мусибат рикIел хкана, “Чун терроризмдиз акси я” лишандик кваз мярекат кьиле тухвана. Мектебдин директор Къагьриманов Расула Бесландин мектебда хьайи рикIерал сагъ тежедай хер авур мусибатдикай, терроризм лугьудай завал — тIегъуьндикай суьгьбетна. Аялриз а вакъиайрикай документальный фильмаяр къалурна.
Школадин аялри (Риваза, Акимхана, Тельмана, Эминади) Бесландикай шиирар кIелна. 9-классдин ученица Зайнабата Новолакда, Буйнакскда, Каспийскда хьайи мусибатрикай суьгьбетна.
Гуьгъуьнлай 4-5 классра кIелзавай аялри “Чи аялвал хуьх” кьуьл тамамарна.
Йисар фенва, къе Бесланни секин я,
Cурун къванер жергедава аялрин.
Лап женнет хьиз, багъ кутуна гуьрчегдиз,
Малаикрин кьиле тефей хиялрин.
Замир Мегьамедов, Вини СтIал
