“Лацу дурнаяр” — Расул Гьамзатован йикъар
ЧIехи шаирдин сурал а юкъуз, адан руьгьдиз гьуьрмет ийиз, винидихъ тIварар кьунвай чIехи руководителрихъ галаз санал РД-дин Гьукуматдин Председателдин Сад лагьай заместитель Анатолий Къарибов, РД-дин Халкьдин Собранидин Председателдин заместитель Елена Ельникова, министерствойрин руководителар, шаирдин мукьва-кьилияр, дустар, санал кIвалахай ксар атанвай.
Алатай йисарилай тафаватлу яз, цIи шаирдин тIварунихъ галай литературадин фестивалдин мярекатар “Россия — зи тарих” музейда тешкилнавай. Гьа йикъан няниз Шииратдин театрда Расул Гьамзатоваз бахшнавай литературадин чIехи вечер кьиле фена.
“Лацу дурнайрин” — Расул Гьамзатован йикъарин мярекатар Дербент шегьерда, Гуниб ва Хунзах хуьрера, маса чкайрани давам хьана. Виринра Россиядин жуьреба-жуьре регионрай атанвай шаирри ва гьикаятчийри, чкадин авторрин дестейри иштиракна.
«Лезги газет»
